ياشيخ لا تعرض صيانيك للبيع ||| كانك تبي الشيخه وعندك كرامه
ياشيخ لا تعرض صيانيك للبيع
كانك تبي الشيخه وعندك كرامه
واشتر صياني زود واشتر مقاديع
وكثر دلالك ... ياعدو الرخامه
لا تستمع باهل العقول المصاليع
تراك شيخ ومن رجال الزعامه
واصل طريقك يابعيدالمطاليع
واضحك على اللي يلحقونك ملامه
وان كان ماحصلت شهره وتشجيع
والله ما الومك لو تبيع العمامه
رد
يا اللي كما حراً بعيد المطاليع
رفرف على حد الخضيرا احيامه
ان ادرجت برق الحباري مخاضيع
يدري عن اكبرهن سريعً ولامه
من قو رايك يابعد راسي نطيع
ومشكور يامال البقا والسلامه
نصيحتك وصلت بخطاً وتوقيع
ومن فوقها ختم المراجل علامه
ومني يابو ... شرح المواضيع
فل البساط الاحمدي من احزامه
ماني بشيخً من كبار المشاريع
اللي يقودون السلف والجهامه
ماشفت بالصوره تلملم وتجميع
من تاجراً فرت عليه الغرامه
والسلعه اللي ماوراها منافيع
صندوقها ماعاد نفتح ابلامه
استاذنك واروح بها السوق وابيع
على غشيمً خزنته في احرامه
وإذا بقى شياً نطشه مع الريع
عسى يجيه من العواصف غمامه
انا بدوي شفي بوضحً مرابيع
حوارً على توه على اول افطامه
والسيل يزعج والزبيدي مصاليع
وامد دربيلي براس العدامه
مرافقاً شرواك عذب المرابيع " شرواكم
قرم العيال اللي رفيعً مقامه
ياللي شربة من المراجل قراطيع
وطيب المعاني والشرف في كلامه
|
العضو المميز 
العرض العادي
